Home Qendrore Ramush Haradinaj: O burrë ne i vjedhim shtetet tona

Ramush Haradinaj: O burrë ne i vjedhim shtetet tona

145
0
SHARE

Kështu tha mbrëmë kryeministri i Kosovës, Ramush Haradinaj, te Blendi Fevziu në emisionin “Opinion” në TV Klan të Shqipërisë.
Haradinaj hapur dhe publikisht ka demaskuar folklorizmin dhe patriotizmin e rremë dhe utopist për kinse bashkimin e kësaj e asaj pjese…
Haradinaj ka thënë një të vërtet që nuk mund ta kontestojë e mohojë askush: se në Kosovë e Shqipëri vidhet shteti në vend se të zhvillohet dhe përparohet; shtetet i shikojmë se vend i plaçkës, e në vend të punës më shumë bëhet “hajgare” se sa punohet; se mospuna dhe antivlera janë legjitimuar dhe kanë marrë pranim publik…

Platoni: “Aty ku mungon uniteti dhe intelekti, por dominon injoranca dhe përçarja, aty shtetin e mbyt dekadenca dhe e gërryen korrupsioni…”. /N.B./

Lexoje në vazhdim çfarë tha Haradinaj…

___________________________________________________________________

E enjte, 20 shtator 2018 – Kryeministri Ramush Haradinaj mbrëmë në një intervistë ka argumentuar kundër ndryshimit të kufijve ndërmjet Kosovës dhe Serbisë. Bashkimin e Preshevës me Kosovën e ka quajtur përrallë, pasi Serbia, sipas tij, nuk e jep atë territor pa luftë. Haradinaj ka befasuar duke thënë se Kosova e Shqipëria nuk kanë ushtri të forta dhe se në të dy vendet “vidhet në shetet”.

Haradinaj duket se ka befasuar edhe vet moderatorin Blendi Fevziu kur ka pohuar se “ne i vjedhim shtetet tona derisa ka argumentuar fortë kundër ndryshimit të kufijve duke thënë se një gjë e tillë bëhet vetëm me çizme.

“Edhe në Amerikë edhe në Evropë, edhe gjithkund kufijtë i vendosin çizmet, ushtarakët, ata që s’i ndërrojnë corapët me muaj të tanë, mos të flas për të brendshmen e tyne, nuk i ndërrojnë kufijtë do që qesin gell edhe do që shëtiten knej e dalin me majtë fjalime, nuk ndërrohen ashtu kufijtë, këto janë kufijë që i ka vendos raporti i forcave, nuk i hapë as Shqipërimi, as Ragmi Mustafa as Riza Halimi, nuk mund t’i ndërron dikush, njo i Kosovës, është raporti i forcave gjithë bota ka qenë në këmbë kur janë vendos këta kufij. I kam njoft nga afër gjithë ata djem të Preshevës që kanë luftu të UÇPMB-së i kam shokë, ata jetojnë në Kosovë, s’guxojnë me u kthy andej, Serbia s’ju ka lënë një lapidar, janë përralla ato që ti po e merr Preshevën, përrall me mbret. Po pate fuqi, tyta të zjarrit, po pate njerëz, po pate vendosmëri, vendimmarrje, po pate aleatë, po nuk hyhet në shkëmbime si jemi ne sot…”

Pyetja: Pse si jemi ne sot?

“Po ne vjedhim shtetet tona o burrë, ne s’kemi bo ushtri të forta që mbrojnë interesat … e dimë ne si jemi , e shohim si jemi, nuk bohen këto punë kështu”. /GAZETAEXPRESS/

LEAVE A REPLY

Please enter your comment!
Please enter your name here