Home Rajonale KFOR-i turk – kompjuterë për ShFMU “Rexhep Elmazi”

KFOR-i turk – kompjuterë për ShFMU “Rexhep Elmazi”

134
0
SHARE

 Haziri priti në takim kolonelin turk të KFOR-it

Kryetari i Gjilanit, Lutfi Haziri, ka pritur në takim komandantin e kontingjentit turk në kuadër të KFOR-it, koloneli Cen Sinan Barim, i cili ka thënë se së shpejti do ta sjell në Gjilan një donacion me disa kompjuterë për ShFMU “Rexhep Elmazi”.

Kryetari i Komunës së Gjilanit, Lutfi Haziri, i shoqëruar nga nënkryetari Arbër Ismajli, sot, ka pritur   në takim komandantin e Detashmentit të Përbashkët Rajonal të Jugut, kolonelin Cen Sinan Barim, cili është edhe komandant i kontingjentit turk në kuadër të KFOR-it.

Kryetari Haziri dhe koloneli Barim kanë vlerësuar lartë bashkëpunimin e mirë që e kanë pasur deri tani, duke u zotuar se ky bashkëpunim do të intensifikohet edhe më shumë në të ardhmen.

Koloneli Barim, pasi ka përmendur Gjilanin si shembull të bashkëjetesës dhe tolerancës mes komuniteteve, ka njoftuar se së shpejti do ta sjell një donacion me disa kompjuterë për shkollën fillore “Rexhep Elmazi”, të cilat do t’i shërbejnë nxënësve për mbarëvajtjen sa më të mirë të procesit mësimor.

Haziri e ka falenderuar kolonelin Barim për donacionin dhe mbështetjen e vazhdueshme në aspektin e sigurisë, ndërkaq ka theksuar faktin se ndihet i lumtur që në Gjilan divesiteti kulturor, fetar dhe etnik konsiderohet si vlerë.

 

LEAVE A REPLY

Please enter your comment!
Please enter your name here