Home Sport U hodh shorti i kualifikimeve për Kampionatin Evropian të vitit 2020 –...

U hodh shorti i kualifikimeve për Kampionatin Evropian të vitit 2020 – Kosova në grupin A me Anglinë…

79
0
SHARE

Orari i plotë i ndeshjeve të Kosovës

Kosova mësoi sot gjatë hedhjes së shortit në Dublin se do të bëjë gara në Grupin A për kualifikime në Kampionatin Evropian të vitit 2020.
Ndeshjet e këtij grupi do të fillojnë në mars të vitit të ardhshëm dhe do të përfundojnë në nëntor të po atij viti.Përveç Anglisë, ndër kombëtaret më të forta të mundshme që Kosova ka mundur t’i ketë, këto janë tri kombëtaret tjera, mbase më të lehta në letër, në grupin e “Dardanëve” – Çekia, Bullgaria dhe Mali i Zi.

Kjo është hera e parë për Kosovën që do të marrë pjesë në kualifikimet për Kampionatin Evropian.

“Dardanët” kanë shkëlqyer gjatë këtij viti pasi nuk dinë për humbje që nga nëntori i vitit 2017, dhe kanë përfunduar në vendin e parë në Grupin 3 në Ligën e Kombeve, duke mos pësuar asnjë humbje.

Datat e sakta ende nuk janë publikuar nga UEFA, mirëpo faqja zyrtare e këtij organi qeverisës i ka publikuar datat se kur do të zhvillohen xhirot e kësaj faze.

Kosova do të luajë ndaj Anglisë në “Wembley” më 10 shtator të vitit 2019, kurse ndeshjen e kthimit në “Fadil Vokrri” do ta zhvillojë më 17 nëntor të vitit 2019.

Orari ndeshjeve:

21 mars 2019 – 23 mars 2019: Ndeshjet e xhiros së parë
24 mars 2019 – 26 mars 2019: Ndeshjet e xhiros së dytë
7 qershor 2019 – 8 qershor 2019: Ndeshjet e xhiros së tretë
10 qershor 2019 – 11 qershor 2019: Ndeshjet e xhiros së katërt
5 shtator 2019 – 7 shtator 2019: Ndeshjet e xhiros së pestë
8 shtator 2019 – 10 shtator 2019: Ndeshjet e xhiros së gjashtë
10 tetor 2019 – 12 tetor 2019: Ndeshjet e xhiros së shtatë
13 tetor 2019 – 15 tetor 2019: Ndeshjet e xhiros së tetë
14 nëntor 2019 – 16 nëntor 2019: Ndeshjet e xhiros së nëntë
17 nëntor 2019 – 19 nëntor 2019: Ndeshjet e xhiros së dhjetë

LEAVE A REPLY

Please enter your comment!
Please enter your name here